கடும் பனியுடன் மணிக்கு 65 மைல் வேகத்தில் காற்றும் வீசுவதால் மக்கள் வீடுகளுக்குள் முடக்கம்
அமெரிக்காவில் வீசும் பனிப்புயலால் 22 பேர் உயிரிழந்துள்ளனர்.
அமெரிக்காவின் பெரும்பாலான மாகாணங்களில் கடும் குளிர் வாட்டி வருகிறது. குறிப்பாக நியூயார்க்கின் buffalo பகுதியில் மட்டும் 2 அடி உயரத்துக்கு பனி தேங்கிக்கிடக்கிறது. எலும்பை உறைய வைக்கும் குளிரை சமாளிக்க முடியாமல் இதுவரை 22 பேர் உயிரிழந்துள்ளனர். கடும் பனியுடன் மணிக்கு 65 மைல் வேகத்தில் காற்றும் வீசுவதால் மக்கள் வீடுகளுக்குள் முடங்கியுள்ளனர்.கார்கள் செயலிழப்பு, தொடர் விபத்துகளோடு மின்சாரமின்றியும் மக்கள் தவித்து வருகின்றனர். மொத்தம் 3 லட்சத்து 15 ஆயிரம் வீடுகளில் மின்சாரம் துண்டிக்கப்பட்டதால் வீடுகளில் குளிரால் மக்கள் அவதிப்பட்டு வருகின்றனர்.
