அஜித் நடித்த 61வது திரைப்படமான ‘துணிவு’ படம் சமீபத்தில் ரிலீஸ் ஆகி நல்ல வரவேற்பு பெற்ற நிலையில் அவர் நடிக்க இருக்கும் 62வது திரைப்படத்தின் படப்பிடிப்பு அடுத்த மாதம் தொடங்க இருப்பதாக கூறப்படுகிறது. லைகா நிறுவனத்தின் சுபாஷ்கரன் தயாரிப்பில் அனிருத் இசையில் விக்னேஷ் சிவன் இயக்கத்தில் உருவாக இருக்கும் இந்த படத்தில் அஜித்துடன் ஐஸ்வர்யா ராய் உள்பட ஒரு சிலர் நடிக்க இருப்பதாக கூறப்படுகிறது.
இந்த நிலையில் ’ஏகே 62’ படத்தின் படப்பிடிப்பே இன்னும் தொடங்காத நிலையில் ’ஏகே 63’ படத்தின் ஹேஷ்டேக் திடீரென சமூக வலைதளங்களில் டிராகி வருவது அஜித் ரசிகர்கள் மத்தியில் பெரும் பரபரப்பை ஏற்படுத்தி உள்ளது.
அஜித் நடிக்க இருக்கும் 63 வது படமான ’ஏகே 63’ படத்தை லைகா நிறுவனம் தான் தயாரிக்க இருப்பதாகவும் இந்த படத்தை அட்லி, சிறுத்தை சிவா, விஷ்ணுவர்தன், சுகுமார் ஆகிய நான்கு இயக்குனர்களில் ஒருவர் இயக்க இருப்பதாகவும் இதில் அட்லி இயக்குவதற்கு அதிக வாய்ப்பு இருப்பதாகவும் சமூக வலைதளங்களில் செய்தி பகிரப்பட்டு வருகின்றன. இந்த படத்தின் பேச்சுவார்த்தை கிட்டத்தட்ட முடிந்து விட்டதாகவும் கூறப்படுகிறது.
அஜித் ஏற்கனவே ஒரு திரைப்பட தயாரிப்பு நிறுவனத்திற்கு படம் செய்ய ஒப்புக் கொண்டால் தொடர்ந்து அதே நிறுவனத்திற்கு மூன்று படங்கள் நடித்து கொடுப்பார் என்பது தெரிந்ததே. அந்த வகையில் லைகா நிறுவனத்திற்கும் அடுத்தடுத்து மூன்று படங்களில் நடிப்பாரா? என்பதை பொறுத்திருந்து பார்ப்போம்.
