படத்தின் ட்ரைலரைப் பார்த்து மிரண்டு போன ரசிகர்கள் ‘கங்குவா’ படத்தின் ரிலீசுக்காக உச்சகட்ட எதிர்பார்ப்பில் காத்திருந்த நிலையில், படம் அக்டோபர் 10 ஆம் தேதி வெளியாகும் என்று கூறப்பட்டது.
நடிகர் சூர்யா நடிப்பில், சிறுத்தை சிவா இயக்கத்தில் உருவாகியுள்ள படம் ‘கங்குவா’ திரைப்படத்தின் வெளியீடு தள்ளிப்போயுள்ளது. படக்குழு புதிய ரிலீஸ் தேதியை அறிவித்துள்ளது.
தமிழ் சினிமாவின் முன்னணி நடிகராக வலம் வந்து கொண்டிருக்கும் நடிகர் சூர்யா நடிப்பில், சிறுத்தை சிவா இயக்கத்தில் உருவாகியுள்ள படம் ‘கங்குவா’. வரலாற்றுப் பின்னணியில் பிரம்மாண்ட படைப்பாக உருவாகியுள்ள ‘கங்குவா’வில், இதுவரை ஏற்று நடித்திராத முற்றிலும் மாறுபட்ட கதாபாத்திரத்தில் நடிகர் சூர்யா நடித்துள்ளார். பிரம்மாண்ட பொருட்செலவில் உருவாகியுள்ள ‘கங்குவா’ திரைப்படம், சர்வதேச அளவில் ஒரே நேரத்தில் 10 மொழிகளில் வெளியாகவுள்ளது. மேலும் சூர்யா 10 விதமான கெட்டப்புகளில் நடித்துள்ளார் என்றும் கூறப்படுகிறது.இந்தப் படத்தில் நடிகர் சூர்யாவுடன் பிரபல பாலிவுட் நட்சத்திரங்கள் திஷா பதானி மற்றும் நடிகர் பாபி தியோல் முக்கிய கதாபாத்திரத்தில் நடித்துள்ளனர். படத்தின் போஸ்டர், டீசர் வெளியாகி வரவேற்பை பெற்ற நிலையில், சில மாதங்களுக்கு முன் ‘கங்குவா’வின் ட்ரைலர் வெளியாகி ரசிகர்களை மிரளவைத்தது.படத்தின் ட்ரைலரைப் பார்த்து மிரண்டு போன ரசிகர்கள் ‘கங்குவா’ படத்தின் ரிலீசுக்காக உச்சகட்ட எதிர்பார்ப்பில் காத்திருந்த நிலையில், படம் அக்டோபர் 10 ஆம் தேதி வெளியாகும் என்று கூறப்பட்டது.
ஆனால், ரஜினி நடிப்பில் உருவாகியுள்ள ‘வேட்டையன்’ திரைப்படம் அதே அக்டோபர் 10 ஆம் தேதி வெளியாவது உறுதியான நிலையில், ‘மெய்யழகன்’ பட இசை வெளியீட்டு விழாவில் ‘கங்குவா’ படத்தின் ரிலீஸ் தேதி தள்ளிப்போவதை சூர்யா மற்றும் ஞானவேல் ராஜா உறுதிசெய்தனர்.
