ஆக்ஷன், நகைச்சுவை, காதல் என அனைத்து ஏரியாவிலும் நன்றாக ஸ்கோர் செய்தார் அஜித்.
அஜித்தின் காதல் மன்னன் திரைப்படம் வெளியாகி இன்றோடு 25 ஆண்டுகள் ஆகியிருக்கிறது.
1993-ல் நடிகரான அஜித்தின் ஆரம்பகால படங்கள் அனைத்தும் தோல்வியை தழுவின. பின்னர் ஆசை, வான்மதி, காதல் கோட்டை ஆகியப் படங்கள் ரசிகர்களிடம் நல்ல வரவேற்பைப் பெற்றன.
ஆனால் 1997-ல் அவர் நடிப்பில் வெளியான 5 படங்களும் தோல்வியை தழுவிய நிலையில், ஒரு வெற்றிப் படத்தைக் கொடுக்க வேண்டிய கட்டாயத்தில் இருந்தார் அஜித்.
அப்போது பாலச்சந்தரிடம் உதவியாளர் சரணின் இயக்கத்தில் அவர் நடித்தப் படம் தான் காதல் மன்னன். ஆக்ஷன், நகைச்சுவை, காதல் என அனைத்து ஏரியாவிலும் நன்றாக ஸ்கோர் செய்தார் அஜித்.
கண்டிப்பான தந்தையின் அன்பை புரிந்துக் கொண்டு, அவர் பார்த்த மாப்பிள்ளையை திருமணம் செய்ய கதாநாயகி மானு முன்வந்தாலும், அஜித் மீதான காதல் அதற்கு தடைபோட்டு, இறுதியில் இருவரையும் சேர்த்து வைத்தது.
மெல்லிசை மன்னர் எம்.எஸ்.விஸ்வநாதன் முக்கியக் கதாபாத்திரத்தில் நடித்திருந்த காதல் மன்னன் படம் வெளியாகி இன்றோடு 25 ஆண்டுகளை கடந்திருக்கிறது.
