தளபதி விஜய் நடிக்க இருக்கும் ’தளபதி 68’ படத்தை அட்லி இயக்க இருப்பதாக கூறப்பட்ட நிலையில் தற்போது வெங்கட் பிரபு இயக்க இருப்பது உறுதி செய்யப்பட்ட நிலையில் அட்லியின் அடுத்த படத்தில் மாஸ் ஹீரோ ஒருவர் நடிக்க இருப்பதாக கூறப்படுகிறது.
இயக்குனர் அட்லி தற்போது ஷாருக்கான் நடித்து வரும் ’ஜவான்’ என்ற திரைப்படத்தை இயக்கி வரும் நிலையில் அவர் ’தெறி’ படத்தின் ஹிந்தி ரீமேக் படத்தையும் தயாரிக்க இருப்பதாக கூறப்படுகிறது.
இந்த நிலையில் அட்லி இயக்கத்தில் உருவாக இருக்கும் அடுத்த திரைப்படத்தை சன் பிக்சர்ஸ் நிறுவனம் தயாரிக்க இருப்பதாகவும் இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என்று கூறப்படுகிறது. மேலும் இந்த படத்தில் ஹீரோவாக நடிக்க ’கேஜிஎப்’ நடிகர் யாஷிடம் பேச்சுவார்த்தை நடத்தப்பட்டு வருவதாகவும் விரைவில் இது குறித்து அறிவிப்பு வெளியாகும் என்று கூறப்படுகிறது.
ஒருவேளை யாஷ் நடிக்கவில்லை என்றால் அல்லு அர்ஜுன் நடிக்க வாய்ப்பு இருப்பதாகவும் அட்லியின் அடுத்த பட ஹீரோ யார் என்பது இன்னும் ஒரு சில வாரங்களில் தெரிந்து விடும் என்றும் கூறப்படுகிறது.
