சுஸ்லான் எனர்ஜி நிறுவனத்தின் பங்கு விலை கடந்த ஒராண்டாகவே பெரும் ஏற்றத்தை அடைந்து வருகிறது. அதாவது இந்த பங்கின் விலை ஒரு வருடத்தில் 300 சதவிகிதம் வரை முதலீட்டாளர்களுக்கு வருவாய் கொடுத்துள்ளது. இந்த நிலையில் முதலீட்டாளர்கள் தற்போதைய நிலையில் 50 சதவிகித லாபத்தை வெளியே எடுக்கலாம் என தெரிவித்துள்ளனர்.
புதுப்பிக்கத்தக்க எரிசக்தி நிறுவனமான சுஸ்லான் எனர்ஜி நிறுவனத்தின் பங்குகளை விற்பனை செய்து, லாபத்தை வெளியே எடுக்கலாம் என நிபுணர்கள் பரிந்துரை செய்துள்ளனர்.
சுஸ்லான் எனர்ஜி நிறுவனத்தின் பங்கு விலை கடந்த ஒராண்டாகவே பெரும் ஏற்றத்தை அடைந்து வருகிறது. அதாவது இந்த பங்கின் விலை ஒரு வருடத்தில் 300 சதவிகிதம் வரை முதலீட்டாளர்களுக்கு வருவாய் கொடுத்துள்ளது. இந்த நிலையில் முதலீட்டாளர்கள் தற்போதைய நிலையில் 50 சதவிகித லாபத்தை வெளியே எடுக்கலாம் என தெரிவித்துள்ளனர்.
சுஸ்லான் எனர்ஜி பங்கின் இலக்கு விலை தற்போது ரூ.96 ஆக உள்ளது. இந்த பங்கின் விலை விரைவில் ரூ.100 என்ற நிலையை அடைவதற்கு முன்பு லாபத்தை வெளியே எடுப்பது புத்திசாலிதானமான முடிவாக இருக்கும். ஏனெனில் ரூ.100 நிலையை அடைவதற்கு சில தடங்கள் உள்ளன.
தொடர்ந்து நான்கு நாட்களாக சுஸ்லான் பங்கு அப்பர் சர்க்யூட் நிலையை அடைந்து வருகிறது. அதாவது 5%க்கு மேல் பங்கின் விலை தொடர்ந்து அதிகரித்து வருகிறது. இந்த நிலையில் ஆகஸ்ட் 12ம் தேதி அன்று பங்கின் விலை 3 சதவிகிதம் உயர்ந்து ரூ.80 என்ற நிலையில் வர்த்தகமானது.
சுஸ்லானின் ரிலேட்டிவ் ஸ்ட்ரெங்த் இன்டெக்ஸ் 80ஐத் தாண்டி, தற்போது 81 ஆக உள்ளது. RSI 70க்கு மேல் இருந்தால், இந்த பங்கு அதிகமாக வாங்கப்பட்ட பங்குகளின் பட்டியலில் உள்ளது.
சுஸ்லான் பங்குகள் இந்த மாதத்தில் மட்டும் 20% உயர்ந்துள்ளது. தொடர்ந்து ஐந்து மாதங்களாக லாபம் அடைந்து வருகின்றன. சுஸ்லான் பங்கு ஜூலையில் 31%, ஜூன் மாதத்தில் 11%, மே மாதத்தில் 14% மற்றும் ஏப்ரலில் 3% விலை உயர்ந்துள்ளது.
பல ஆண்டுகளாக பென்னி ஸ்டாக்காக இருந்த சுஸ்லான் எனர்ஜி நிறுவனம் தற்போது அதிலிருந்து மீட்சி அடைந்து வருகிறது. அதாவது பங்கின் விலை தொடர்ந்து உயர்ந்துள்ளது. மேலும் ரூ.95 முதல் ரூ.115 மண்டலத்தை அடையும் என எதிர்பார்க்கப்படுகிறது. உடனடி ஸ்விங் பேஸ் சுமார் ரூ. 65 வரை உருவாக்கப்பட்டுள்ளதால், வாராந்திர இறுதி நிறுத்தம் கீழே உள்ளது. தற்போதுள்ள நீண்ட நிலைகளை தக்கவைத்துக்கொள்ள மற்றும் பங்கை வாங்க ரூ.62 போதுமானதாக இருக்கும் என டிரேட்புல்ஸ் செக்யூரிட்டிஸின் சச்சிதானந்த் உட்டேகர் தெரிவித்துள்ளார்.2024ம் ஆண்டு தொடக்கத்தில் இருந்து தற்போது வரை பங்கின் விலை 115% உயர்ந்துள்ளது. இன்றைய காலை வர்த்தகத்தில் சுஸ்லான் பங்கின் விலை 3 சதவிகிதம் சரிந்து ரூ.78.43 என்ற நிலையில் வர்த்தகமாகி வருகிறது.
