நடிகர் சூப்பர்ஸ்டார் ரஜினிகாந்த் நடிப்பில் வெளியான ஜெயிலர் படம் மாபெரும் வெற்றியை சந்தித்ததை அடுத்து இப்படத்தின் இரண்டாம் விரைவில் உருவாக உள்ளது.
சன் பிக்சர்ஸ் நிறுவனத்தின் பிரம்மாண்ட பொருட்செலவில் நெல்சனின் கிளாஸான இயக்கத்தில் உருவான இப்படத்தில் சூப்பர்ஸ்டார் ரஜினிகாந்த் மிரட்டலான நடிப்பை வெளிப்படுத்திருப்பார்.
இதுமட்டுமின்றி அனிருத் இசையமைத்த இப்படத்தின் அனைத்து பாடல்களும் சூப்பர் டூப்பர் ஹிட் அடித்தது.
இந்நிலையில் ரசிகர்கள் மத்தியில் மாபெரும் வரவேற்பை பெற்ற இந்த படத்தின் இரண்டாம் பாகத்திற்கான பணிகள் தற்போது விறுவிறுப்பாக நடைபெற்று வருகிறது.
இதனால் குஷியான ரசிகர்கள் ஜெயிலர் படத்தின் படப்பிடிப்பு எப்போது நடைபெறும் என கேட்டு வந்த நிலையில் தற்போது இப்படத்தின் 2ஆம் பாகத்திற்கான தலைப்பு குறித்த தகவல் வெளியாகி உள்ளது.
அதன்படி இப்படத்திற்கு இயக்குநர் நெல்சன் ஹுகும் என டைட்டில் வைத்து இருப்பதாக தகவல் வெளியாகி இருக்கிறது.
Hukum பாடல் ஜெயிலர் படத்தில் தாறுமாறான வரவேற்பை பெற்ற நிலையில் அதையே தற்போது இரண்டாம் பாகத்திற்கு டைட்டிலாக வைக்க இருக்கிறார் நெல்சன். இந்த தகவல் வெளியானதை அடுத்து தற்போது ரசிகர்கள் செம ஆவலாக உள்ளனர்.
