தனுஷ் இயக்கி நடித்து வரும் ராயன் பட இசை வெளியீட்டு விழா, காத்திருக்கும் பிரம்மாண்டம்..
நடிகர், இயக்குனர், தயரிப்பாளர், பாடகர், பாடலாசிரியர் என தமிழ் சினிமாவில் பன்முக திறமை கொண்ட நடிகராக வலம் வருபவர் தனுஷ். ‘துள்ளுவதோ இளமை’ படத்தில் தொடங்கிய இவரது திரை பயன் தற்போது வரை பல பரிமாணங்களை கொண்டு உச்சத்தை நோக்கி போய்க் கொண்டிருக்கிறது. தற்போது தனது 50 வது படத்தை தானே இயக்கி நடித்து வருகிறார் தனுஷ், இந்த படத்திற்கு ‘ராயன்’ என பெயரிடப்பட்டுள்ளது. சன் பிக்ச்சர்ஸ் தயாரிக்கும் இந்த படத்திற்கு ஏஆர் ரஹ்மான் இசையமைத்துள்ளார்.
இந்த படத்தில் செல்வராகவன், பிரகாஷ் ராஜ், எஸ் ஜே சூர்யா, சுதீப் கிஷன், காளிதாஸ் ஜெயராம், துஷார விஜயன், என மிகப்பெரிய நட்சத்திர பட்டாளத்தையே களமிறங்கியுள்ளார் நடிகர் தனுஷ். கேங்ஸ்டர் கதைக்களத்தில் உருவாகி வரும் இந்த படத்தின் அப்டேட் அவ்வப்போது வெளியாகி ரசிகர்கள் மத்தியில் பெரும் எதிர்பார்ப்பை கிளறியுள்ளது.
கடந்த மாதம் ஏஆர் ரஹ்மான் இசையில், தனுஷ் குரலில் ‘அடங்காத சூரன்’ பாடல் வெளியாகி மக்கள் மத்தியில் நல்ல வரவேற்பை பெற்றது. தற்போது படத்தின் இசை வெளியீட்டு விழா குறித்த செய்தி ஒன்று வெளியாகியுள்ளது. அதில் ராயன் படத்தின் இசை வெளியீட்டு விழா பிரம்மாண்ட முறையில் ஜூன் 1 ஆம் தேதி ஜவாஹர்லால் நேரு ஸ்டேடியத்தில் நடைபெறவுள்ளதாக தகவல் வெளியாகியுள்ளது.மேலும், இந்த இசை வெளியீட்டு விழாவில் ஏஆர் ரஹ்மானின் கான்செர்ட் நடைபெறும் எனவும், மேலும் இதுவரை தனுஷை வைத்து படம் இயக்கிய இயக்குனர்களை வரவைத்து அவர்களை சிறப்பிக்க உள்ளதாகவும் தகவல் வெளியாகியுள்ளது. இந்த தகவலையடுத்து தனுஷ் ரசிகர்கள் குதூகலத்தில் உள்ளனர்.தனுஷ் இயக்கி நடிக்கும் ராயன் திரைப்படம் ஜூன் 13 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.
