தினமும் மது குடிப்பதால் உங்கள் கல்லீரலுக்கு ஏற்படும் விளைவுகள் என்ன..?

தினமும் ஒருவர் மதுபானம் குடித்தால், அவருக்கு கல்லீரல் அழற்சி நோய் வரும் ஆபத்து அதிகமாக உள்ளது. மதுபானம் குடிப்பதால் ஆண்களை விட பெண்களே அதிகளவில் கல்லீரல் நோயினால் பாதிக்கப்படுவதாக 2019-ம் ஆண்டு நடத்தப்பட்ட ஆய்வு கூறுகிறது.

எதையும் அளவாக குடித்தால் நல்லது என கூறுவார்கள். ஒரு வகையில் மதுபானத்தையும் அப்படி கூறலாம். இன்றைய காலத்தில் மதுபானம் குடிப்பவர்களை விட அப்பழக்கம் இல்லாதவர்களின் எண்ணிக்கை தான் குறைவாக இருக்கிறது. இரவு நேரத்தில் கொஞ்சமாக மதுபானம் குடித்தால், அது செரிமானத்திற்கு உதவும் என பலர் நம்புகிறார்கள்.

இது நம் உடலில் மயக்க மருந்து போல் வேலை செய்யக் கூடியது. இருப்பினும், தினமும் மதுபானம் குடிப்பது உங்கள் உடலுக்கு கேடை விளைவிப்பதோடு கல்லீரலுக்கு மிகப்பெரிய பாதிப்பை ஏற்படுத்தும்.தினமும் ஒருவர் மதுபானம் குடித்தால், அவருக்கு கல்லீரல் அழற்சி நோய் வரும் ஆபத்து அதிகமாக உள்ளது. மதுபானம் குடிப்பதால் ஆண்களை விட பெண்களே அதிகளவில் கல்லீரல் நோயினால் பாதிக்கப்படுவதாக 2019-ம் ஆண்டு நடத்தப்பட்ட ஆய்வு கூறுகிறது.“நீங்கள் தினமும் மதுபானம் குடிப்பவராக இருந்தால்,

ஆரம்பத்தில் உங்களுக்கு செரிமானப் பிரச்சனை ஏற்படும். அடுத்ததாக, அடி வயிற்றில் வலி ஏற்பட்டு அஜீரணக் கோளாறினால் பாதிக்கப்படுவீர்கள். அடுத்து கொஞ்சம் கொஞ்சமாக உங்கள் ரத்த அழுத்தத்தை பாதித்து உயர் ரத்த அழுத்தத்தை உண்டாக்குவதோடு, நமது கணையத்தையும் கடுமையாக பாதிக்கிறது. இதன் காரணமாக உங்களுக்கு அடிக்கடி வாந்தி ஏற்படக் கூடும்” என மதுவினால் ஏற்படும் கேடுகளை விவரிக்கிறார் டாக்டர்.மனோஜ் குப்தா.

மதுபானத்தின் விளைவுகளை கல்லீரல் திறம்பட முறியடித்தாலும், தினமும் குடித்தால் அந்த சுமையை கல்லீரலால் தாங்க முடியாது. இதன் காரணமாக கல்லீரல் பாதிப்பு ஏற்படுகிறது. இதனையே நாம் கல்லீரல் வீக்க நோய் என அழைக்கிறோம். இந்த நோயினால் நமது கல்லீரலில் வீக்கமும் காயமும் உருவாகிறது. முடிவில் கல்லீரல் செயலிழந்து விடுகிறது. இது நமது உயிருக்கே ஆபத்தாக முடியும்.

எவ்வுளவு மதுபானம் குடித்தால் கல்லீரல் பாதிப்புக்குள்ளாகும் என்பது நபருக்கு நபர் மாறுபடும். ஒரு சிலருக்கு அளவாக மாதுபானம் குடித்தாலே அது கல்லீரல் நோய் வரும் ஆபத்தை அதிகரிக்கும். மதுபானம் குடிப்பதால் உங்கள் உடலில் ஏதாவது தீங்கு ஏற்படுகிறதா என சந்தேகம் இருந்தால், மருத்துவரிடம் சென்று ஆலோசனை பெறுங்கள்.

உங்கள் கல்லீரல் எந்தளவிற்கு பாதிப்புக்குள்ளாகி இருக்கிறது என்பதை அவர்கள் பரிசோதித்து, அதற்குண்டான சிகிச்சையை வழங்குவார்கள். நீண்டகாலமாக மதுப்பழக்கத்திற்கு அடிமையானவர்கள் ஹெபடைடிஸ் மற்றும் அழற்சி நோயினால் பாதிக்கபடுவார்கள்.

“கல்லீரலில் வீக்கம், கல்லீரலில் அழற்சி போன்றவை இருந்தால் அது மஞ்சள் காமாலை, பாதங்களில் வீக்கம், வயிறு உப்புசம், குடலில் ரத்தப்போக்கு, மலத்தில் ரத்தம் போன்றவற்றை உண்டாக்கும். நீண்ட காலம் மதுப்பழக்கம் இருந்து வந்தால், அது புற்றுநோய் வரும் ஆபத்தையும் அதிகரிக்கும்” என டாக்டர். மனோஜ் குப்தா எச்சரிக்கிறார்.