மெட்டாவின் வெரிஃபைடு சப்ஸ்கிரிப்ஷன் முறையானது உலகம் முழுவதும் கொஞ்சம் கொஞ்சமாக அமல்படுத்தப்பட்டு வரும் நிலையில், தற்போது இந்திய சந்தையில் தனிப்பட்ட கணக்குகளை வெரிஃபைடு அக்கவுண்டுகளாக மற்றும் சப்ஸ்கிரிப்ஷன் முறை அறிமுகப்படுத்தப்பட்டுள்ளது. உங்களது பேஸ்புக் அல்லது இன்ஸ்டாகிராம் கணக்கை மாற்றுவதற்கு நீங்கள் மாத சந்தா முறையில் கட்டணம் செலுத்த வேண்டியது இருக்கும். ஏற்கனவே ட்விட்டரில் இந்த முறை அமல்படுத்தப்பட்டுள்ள நிலையில் தற்போது இன்ஸ்டாகிராம் மற்றும் ஃபேஸ்புக் செயலிகளுக்கும் இது விரிவு படுத்தப்பட்டுள்ளது. மேலும் இவ்வாறு வெரிஃபைட் அக்கவுண்டுகளை வைத்திருக்கும் நபர்களுக்கு என சில சிறப்பு சலுகைகளும் அளிக்கபடுகின்றன.

மெட்டா நிறுவனமானது சில குறிப்பிட்ட சந்தைகளில் மட்டும் கடந்த மாதம் வெரிஃபைடு அக்கவுண்ட் முறையை அமல்படுத்தியது. தற்போது ஒரு மாதம் கழித்து அந்த மாற்றங்களை இந்தியாவிற்குள் கொண்டு வர முடிவு செய்துள்ளது. இதன்படி மெட்டா வாடிக்கையாளர்கள் தங்களது அக்கௌன்ட்டை வெரிஃபைடு அக்கவுண்டாக மாற்ற விரும்பும் பட்சத்தில் ஆண்ட்ராய்டு மொபைல் யூசர்களுக்கு 1499 ரூபாயும், வெப் யூசர்களுக்கு 1099 ரூபாயும் கட்டணமாக வசூலிக்கப்பட உள்ளது.

மேலும் இவ்வாறு வெரிஃபைட் அக்கவுண்டாக மாற்றிக் கொள்பவர்களுக்கு தனிப்பட்ட சலுகைகளும் அளிக்கப்படுகின்றன. அதாவது உங்களது தனிப்பட்ட அக்கவுண்ட்டை வெரிஃபை செய்வதற்காக மேம்படுத்தப்பட்ட வெரிஃபிகேஷன் முறை, ஹேக்கர்களிடமிருந்த சிறப்பு பாதுகாப்பு, ஏதேனும் பிரச்சனை ஏற்படும் பட்சத்தில் உங்களுக்கென தனிநபர் டெக்னிக்கல் சப்போர்ட், உங்களது கணக்கை பிரபலமாக்குவதற்கான வழிமுறைகள், இதைத் தவிர வேறு சில இதர வசதிகளும் வெரிஃபைட் யூசர்களுக்கு வழங்கபடுகின்றன.

மேலும் மொபைல் யூசர்களிடமிருந்து பெறப்படும் கட்டணத்தில் 15-30% வரை ஆப்பிள் மற்றும் கூகுள் ப்ளே ஸ்டோருக்கு கட்டணமாக அளிக்கப்படும் என தகவல்கள் தெரிவிக்கின்றன. இந்தியாவைப் பொறுத்தவரை மெட்டா நிறுவனத்தின் பேஸ்புக் மற்றும் இன்ஸ்டாகிராமிற்கான் மிகப் பெரும் சந்தையாக இந்தியா உள்ளது. இந்த புதிய சபஸ்கிரிப்ஷன் முறையில் அவர்கள் மிகப் பெரும் அளவில் வருமானம் ஈட்ட முடியும் என்றும் நம்புகின்றனர்.

ஆச்சரியப்பட தக்க வகையில் இந்த மெட்டா சப்ஸ்கிரிப்ஷன் முறையானது ஏதேனும் ஒரு குறிப்பிட்ட பிளாட்பார்மில் மட்டுமே இயங்கும் வகையில் வடிவமைக்கப்பட்டுள்ளது. ஒருவேளை நீங்கள் பேஸ்புக் மற்றும் இன்ஸ்டாகிராம் என இரண்டு செயலிகளையுமே வெரிஃபைட் அக்கவுண்டாக மாற்ற விரும்பினால் உங்களது கட்டணம் இருமடங்காக வசூலிக்கப்படும்.

மெட்டா நிறுவனத்தோடு ஒப்பிடுகையில் ட்விட்டரானது தனது வாடிக்கையாளர்களின் கணக்குகளை வெரிஃபைடு அக்கவுண்டாக மாற்றுவதற்கு, மொபைல் யூசர்களுக்கு 900 ரூபாயும், வெப் யூசர்களுக்கு 650 ரூபாயும் கட்டணமாக வசூலிக்கிறது. மேலும் இவ்வாறு வெரிஃபைடு அக்கவுண்டாக மாற்றுவதற்கு வாடிக்கையாளர்கள் 18 வயது அல்லது அதற்கு மேற்பட்டவராக இருக்க வேண்டும் தங்களது புகைப்படம் கொண்ட அடையாள அட்டைகளை சமர்ப்பிக்க வேண்டும் என்பது போல பல்வேறு விதிமுறைகள் உள்ளன. மேலும் ஒரு முறை உங்களுக்கான யூசர் நேம், ப்ரோபைல் நேம், பிறந்த தேதி புகைப்படம் ஆகியவை சரி பார்க்கப்பட்டவுடன் உங்களால் அதனை மாற்ற இயலாது.