நடிகர் ரியோ ராஜ், மாளவிகா மனோஜ் மீண்டும் இணையும் புதிய படத்தின் பூஜை இன்று நடைபெற்றுள்ள நிலையில் அதன் புகைப்படங்கள் தற்போது வைரலாகி வருகிறது.
தமிழ் சினிமாவில் இருக்கும் பல திறமை வாய்ந்த நடிகர்களில் ஒருவராக வலம் வருபவர் நடிகர் ரியோ ராஜ் . தொலைக்காட்சியில் தொகுப்பாளராக கலக்கி வந்த இவர் அச்சம் என்பது மடமையடா என்ற படத்தின் மூலம் தமிழ் சினிமாவில் கதாநாயகனாக அறிமுகமானார் .
இதையடுத்து பல வெற்றி படங்களை கொடுத்த இவரது நடிப்பில் கடைசியாக வெளியான திரைப்படம் தான் ஜோ . ரசிகர்களின் அமோக ஆதரவை பெற்று வசூல் ரீதியாகவும் விமர்சன ரீதியாகிவரும் மாபெரும் வெற்றி படமாக உருவெடுத்த இந்த படத்தை ஹரிஹரன் ராம் இயக்கினார்.
அசத்தலான நடிப்பை வெளிப்படுத்திய ரியோ ராஜுடன் இந்த படத்தில் மாளவிகா மனோஜ் உள்ளிட்ட பல இளம் நட்சத்திரங்கள் இப்படத்தில் நடித்திருந்தனர்.
இந்த ரியோ மற்றும் மாளவிகாவின் கெமிஸ்ட்ரி செமயாக ஒர்கவுட் ஆக மீண்டும் இவர்கள் ஜோடி சேரவேண்டும் என ரசிகர்கள் சார்பில் கோரிக்கை விடுக்கப்பட்டது.
அதன்படி ரியோ மற்றும் மாளவிகா ஜோடி சேரும் புதிய படத்தின் அப்டேட் இன்று வெளியாகி உள்ளது.
அறிமுக இயக்குநர் கலையரசன் தங்கவேல் இயக்கும் புதிய படத்தின் மூலம் நடிகர் ரியோ ராஜ், மாளவிகா மனோஜ் மீண்டும் இணைகின்றனர்.
இப்படத்தின் படப்பிடிப்பு இன்று பூஜையுடன் சென்னையில் தொடங்கிய நிலையில் தற்போது அந்த புகைப்படங்கள் செம வைரலாகி வருகிறது.
