பிரபல தயாரிப்பாளர் ரவீந்தர் மற்றும் தொலைக்காட்சி நடிகை மகாலட்சுமி ஆகிய இருவரும் கடந்த ஆண்டு செப்டம்பர் மாதம் திருமணம் செய்து கொண்டனர் என்பதும் திருப்பதியில் நடந்த இந்த திருமணம் குறித்த புகைப்படங்கள் வெளியாகி கோலிவுட் திரையுலகில் பெரும் பரபரப்பை ஏற்படுத்தியது என்பதும் தெரிந்ததே.
திருமணத்திற்கு பின்னர் இருவரும் அளித்த பேட்டிகள் மற்றும் சமூக வலைதள பதிவுகள் வைரல் ஆகின. இந்த நிலையில் சமீபத்தில் திருமணம் ஆகி 100 நாள் கொண்டாட்டத்தை நெகிழ்ச்சியுடன் இருவரும் கொண்டாடினார் என்பதும் அது குறித்த புகைப்படங்களுக்கு லைக்ஸ், கமெண்ட்ஸ் குவிந்தன.
இந்த நிலையில் தயாரிப்பாளர் ரவீந்திரன் வீட்டில் சண்டி ஹோமம் நடத்தப்பட்டுள்ளது. இந்த ஹோமத்தின் காட்சிகளையும் அதில் மகாலட்சுமி கலந்து கொண்டதையும் ரவீந்தர் தனது இன்ஸ்டாகிராம் பக்கத்தில் வீடியோவாக பதிவு செய்துள்ளார்.
மேலும் இந்த ஹோமம் தங்கள் மீது அதிக நம்பிக்கை வைத்து இருப்பவர்கள் மற்றும் அன்பு வைத்து உள்ளவர்களுக்காக நடத்தப்படுவதாகவும் அவர்களுக்காக பிரார்த்தனை செய்வதாகவும் ரவீந்தர் கூறியுள்ளார்.
