லியோ
கடந்த வாரம் தமிழ் சினிமா ரசிகர்களால் அதிகம் எதிர்பார்க்கப்பட்ட திரைக்கு வந்த படம் லியோ. விஜய்க்கு கண்டிப்பாக இப்படம் மாபெரும் வசூல் சாதனையை தேடி தரும் என கூறப்பட்டது.
அதே போல் 5 நாட்களிலேயே ரூ. 420 கோடி வரை உலகளவில் லியோ வசூல் சாதனை செய்துள்ளது. கண்டிப்பாக இனி வரும் நாட்களில் இன்னும் பல கோடிகளை லியோ வசூல் செய்யும் என ரசிகர்களால் எதிர்பார்க்கப்படுகிறது.
லியோ திரைப்படம் வெளிவந்து வசூலில் நல்ல வரவேற்பு கிடைத்திருந்தாலும், விமர்சனங்கள் சற்று கடுமையாக இருந்தது. சிலர் மோசமான விமர்சனங்களையும் தெரிவித்து இருந்தனர்.
விஜய்யின் மனநிலை
இந்நிலையில், லியோ படத்தின் ரிலீஸுக்கு பின் விஜய்யுடைய மனநிலை என்ன என்பது குறித்து தகவல் வெளியாகியுள்ளது. அதன்படி, லியோ படத்தின் ரிலீஸுக்கு பின் நடிகர் விஜய் மகிழ்ச்சியாக இருக்கிறார் என தெரியவந்துள்ளது.
லியோ படத்தின் முதல் நாள் கலெக்ஷன் ரிப்போர்ட் வெளிவந்த பின், நடிகர் விஜய் மிகவும் மகிழ்ச்சியில் இருக்கிறாராம். இந்த தகவலை பிரபல பத்திரிகையாளர் ஒருவர் கூறியுள்ளார் என்பது குறிப்பிடத்தக்கது.
