விஜய்
விஜய் நடிப்பில் தற்போது லியோ படம் உருவாகி வருவதை நாம் அறிவோம். இப்படத்தில் இடம்பெறும் நான் ரெடி தான் வரவா பாடல் விஜய்யின் பிறந்தநாள் அன்று வெளிவந்தது.
இந்த பாடலில் விஜய் சிகரெட் பிடிப்பது போல் காட்சி இருந்தது. அன்புமணி ராமதாஸ் உள்ளிட்ட அரசியலில் உள்ள முக்கிய பிரமுகர்கள் இதை கண்டித்தனர்.
பல லட்சம் ரசிகர்கள் விஜய்யை பின்பற்றி விஷயங்கள் செய்கிறார்கள். அப்படி முக்கிய நட்சத்திரமாக இருக்கும் விஜய் இப்படி புகைபுடிக்கும் காட்சியில் நடிக்கலாமா என எதிர்ப்பு தெரிவித்தனர். படத்திற்காக என்றாலும், விஜய் போன்ற மாபெரும் நட்சத்திரம் இது செய்வது தவறு என கண்டித்தனர்.
தவறான பாதைக்கு செல்லும் ரசிகர்கள்
இந்நிலையில், விஜய்யின் ரசிகர்கள் கண்டித்து பேசிய அரசியல் பிரமுகர்களுக்கு எதிர்ப்பு தெரிவித்து பதிவுகளை வெளியிட்டு வருகிறார்கள். விஜய் அப்படிதான் சிகரெட் பிடிப்பார் என்று கூறி பதிவுகளை வெளியிட்டு வருகிறார்கள்.
பாடலில் இடம்பெறும் காட்சியில் விஜய் எப்படி சிகரெட் பிடிப்பது போல் நடித்தாரோ, அதே போல் அவருடைய ரசிகர்கள் சிலர், தங்களது வாயில் சிகரெட் வைத்துக்கொண்டு அப்பாடலுக்கு நடனமாடி வீடியோக்களை வெளியிட்டு வருகிறார்கள். விஜய்யின் இந்த செயலால் அவருடைய ரசிகர்கள் தவறான பாதைக்கு செல்கிறார்களா என கேள்வி எழுந்துள்ளது.
