TVK Vijay | நடிகர் விஜய் அரசியலில் காலடி எடுத்து வைத்ததற்கு அரசியல் தலைவர்கள், திரைப்பிரபலங்கள் உள்ளிட்ட பலரும் தங்களது வாழ்த்துகளை தெரிவித்தனர்.
அண்மையில், நடிகர் விஜய் தமிழக வெற்றி கழகம் என்ற பெயரில் புதிய அரசியல் கட்சி ஒன்றை தொடங்கி உள்ளார். தற்போது நடைபெற இருக்கும் நாடாளுமன்றத் தேர்தலில் போட்டியிட போவதில்லை என்றும் 2026 சட்டமன்ற தேர்தலில் போட்டியிட போவதாகவும் தெரிவித்திருந்தார். திரையுலகிற்கு முழுக்கு போட்டுவிட்டு முழு நேர அரசியலில் ஈடுபடப் போவதாகவும் தனது அறிக்கையின் வாயிலாக கூறியிருந்தார்.
நடிகர் விஜய் அரசியலில் காலடி எடுத்து வைத்ததற்கு அரசியல் தலைவர்கள், திரைப்பிரபலங்கள் உள்ளிட்ட பலரும் தங்களது வாழ்த்துகளை தெரிவித்தனர். இதனால் குஷியான அவரது ரசிகர்கள் பல்வேறு நலத்திட்ட பணிகளில் இறங்கியுள்ளனர். அதே வேளையில், மாவட்ட வாரியாக கட்சியை வலுப்படுத்தும் நோக்கில் தமிழக வெற்றி கழகம் பல்வேறு நடவடிக்கைகளை எடுத்து வருகிறது.
மாவட்ட செயலாளர் மாற்றம்; அதிரடி
அந்த வகையில், தமிழக வெற்றி கழகத்தின் தூத்துக்குடி மாவட்ட செயலாளர் மாற்றப்பட்டுள்ளார். விஜய் மக்கள் இயக்கமாக செயல்படும் போது, பில்லா ஜெகன் என்பவர் மாவட்ட தலைவராக இருந்தார். தற்போது அவர், திமுகவில் இணைந்து விட்டதால், தூத்துக்குடி மாவட்ட செயலாளராக எஸ்.ஜே.சுமன் என்பவர் நியமிக்கப்பட்டுள்ளார். தற்போது நியமிக்கப்பட்டுள்ள எஸ்.ஜே.சுமன், பில்லா ஜெகனின் சகோதரர் ஆவார்.
