தவெக-வில் விஜயபாஸ்கர்; ஊழல் பற்றி பேச விஜய்க்கு அருகதை இருக்கிறதா? திமுக கேள்வி

முன்னாள் அமைச்சர் விஜயபாஸ்கர் தவெக-வில் இணைந்துள்ள நிலையில், முதலமைச்சர் விஜய்க்கு ஊழலுக்கு எதிராக பேச யோக்கியதை இருக்கிறதா? என்று திமுக கேள்வி எழுப்பியுள்ளது.

அதிமுக-வின் முன்னாள் அமைச்சர்களான எம்ஆர் விஜயபாஸ்கர் மற்றும் சி விஜயபாஸ்கர் இருவரும் இன்று தவெக-வில் இணைந்தனர். இவர்கள் அமைச்சர்களாக பொறுப்பு வகித்த காலத்தில் இவர்கள் மீது ஊழல் குற்றச்சாட்டு எழுந்தது.

ஊழலுக்கு தீர்வு காணும் வகையில் தொடங்கப்பட்டதாக விஜய் கூறும் தவெக-வில், ஊழல் குற்றச்சாட்டுக்கு ஆளான இரு விஜயபாஸ்கரையும் கட்சியில் விஜய் சேர்த்திருப்பது மிகப்பெரிய எதிர்ப்பை விஜய்க்கு உண்டாக்கியுள்ளது.

இதுதொடர்பாக, திமுக ஐடி விங் தனது எக்ஸ் பக்கத்தில் பதிவிட்டுள்ளதாவது,

போலிப் பத்திரம் தயாரித்தவர்:

கரூர் எம்.ஆர். விஜ­ய­பாஸ்­கர், போலிப் பத்­தி­ரம் தயா­ரித்து போலீசுக்கு பயந்து தலை­ம­றை­வாக இருந்­த­வர். வேறு ஒரு­வ­ருக்­குச் சொந்­த­மான ரூ.100 கோடி மதிப்­பி­லான நிலத்­துக்கு போலிப் பத்­தி­ரம் தயா­ரித்­த­தாக குற்­றம் சாட்டப்பட்டவர்.

இது தொடர்­பாக குற்­றச்­சாட்டு பதி­வா­ன­தும் கரூர் நீதி­மன்­றத்­தில் முன் ஜாமீன் கேட்­டார் அவர். நீதி­மன்­றம் ­தள்ளுபடி செய்­தது. உடனே தலை­ம­றைவு ஆனார். கேர­ளா­வில் பதுங்கி இருந்த அவரை தமிழ்­நாடு சி.பி.சி.ஐ.டி. போலீ­ஸார் கைது செய்து இழுத்து வந்­தார்­கள். திருச்சி சிறை­யில் அடைக்­கப்­பட்டார். இது தொடர்­பாக வரு­மான வரித்து­றை­யும் தனி­யாக ஒரு வழக்கை பதிவு செய்­துள்­ளது.

துர்நாற்ற சக்தி:

இதெல்­லாம் அவர் அர­சி­ய­லுக்கு நுழைந்த காலத்­தில், அமைச்­சர் ஆவ­தற்கு முன்பு நடந்­தது அல்ல. அமைச்­ச­ராக இருந்த பிறகு நடந்தவை ஆகும். 2024 ஜூலை மாதத்­தில் நடந்­தவை ஆகும். இந்த யோக்­கிய சிகா­ம­ணி­யை­யும் இணைத்­துக் கொள்ள இருக்­கி­றார் துர்­நாற்ற சக்தி விஜய்.

குட்கா விஜயபாஸ்கர்:

விரா­லி­மலை விஜ­ய­பாஸ்­க­ருக்கு ‘குட்கா விஜ­ய­பாஸ்­கர்’ என்­று­தான் பெயர். சென்­னை­யில் சட்­ட­வி­ரோ­த­மா­கத் தடை செய்­யப்­பட்ட குட்கா பொருட்­களை விற்­பனை செய்ய அ.தி.மு.க. முன்­னாள் அமைச்­சர்­கள், ஐ.பி.எஸ். அதி­கா­ரி­கள், வணிக வரித்­துறை அதிகா­ரி­கள் மற்­றும் சென்னை மாந­க­ராட்சி அதி­கா­ரி­க­ளுக்கு லஞ்­சம் தரப்­பட்­ட­தாக 2017-ஆம் ஆண்டு அ.தி.மு.க. ஆட்­சி­யில் குற்றச்­சாட்டு எழுந்­தது.

குட்கா வியா­பா­ரி­க­ளி­டம் வரு­மான வரித்­துறை விசா­ரணை நடத்துகி­றது. அப்­போது தங்­க­ளது வியா­பா­ரத்­துக்கு துணை நின்ற­வர்­கள் அ.தி.மு.க. ஆட்­சி­யில் யார் யார் என்­பதை டைரி எழுதி வைத்­தி­ருந்­தார்­கள் வியா­பா­ரி­கள்.

இது தொடர்­பான வழக்­கில் மத்­திய கலால் வரித்­துறை தாக்­கல் செய்த பதி­லில், ‘’டெல்­லி­யில் இருந்து ஏரா­ள­மான
தமிழ்நாட்டிற்கு குட்கா பொருள்­கள் கொண்டு வரப்­பட்­டுள்­ளது. இதை விற்­ப­தற்­காக ரூ.55 கோடி வரை ஹவாலா முறை­யில் பணப்­ப­ரி­மாற்­றம் செய்­யப்­பட்­டுள்­ளது” என்று கூறப்­பட்டு இருந்­தது. வரு­மான வரித்து­றை­யும் இதனை வலி­மைப்­ப­டுத்­து­வது மாதி­ரி­யான ஆதாரங்களை கொடுத்துள்ளது.

தலைமை நீதி­பதி இந்­திரா பானர்ஜி, அப்­துல் குத்­தூஸ் அமர்வு, சி.பி.ஐ. விசா­ர­ணைக்கு உத்­த­ர­விட்­டது. ரூ.40 கோடிக்கு மேல் லஞ்சம் பெற்­றது தொடர்­பாக வரு­மான வரித்­துறை அ.தி.மு.க. ஆட்­சி­யில் தலை­மைச் செய­லா­ள­ருக்கு ஒரு கடி­தம் அனுப்­பி­யது.

லஞ்சம் பெற்ற ஆதாரம்:

அதில் அ.தி.மு.க. ஆட்­சிக் காலத்து அமைச்­ச­ரான விஜ­ய­பாஸ்­கர், இரு டி.ஜி.பி.க்கள் பெயர்­கள் இருந்­தன. விஜ­ய­பாஸ்­கர் லஞ்­சம் பெற்­ற­தற்­கான ஆதா­ரங்­கள் கொண்ட ஒரு கோப்பு ஒன்றை வருமான வரித்­துறை அனுப்பி இருந்­தது. அவ­ரைத் தான் எம்.எல்.ஏ. பதவி விலக வைத்து த.வெ.க.வில் இணைத்­துக் கொள்­கிறார் துர்­நாற்ற சக்தி விஜய்.

யோக்கியதை இருக்கிறதா?

டாக்­டர் விஜ­ய­பாஸ்­கர் மீது வரு­மா­னத்­துக்கு அதி­க­மாக 35.79 கோடி ரூபாய் சொத்து சேர்த்­த­தாக புதுக்­கோட்டை நீதி­மன்­றத்­தில் லஞ்ச ஒழிப்பு காவல்துறை­யி­னர் குற்­றப்­பத்­தி­ரிக்கை தாக்­கல் செய்­துள்­ளார்­கள். (2023 மே. 22) வழக்கு நடந்து கொண்டு இருக்கிறது. இவ­ரைத் தான் சேர்த்­துக் கொள்­கி­றார் துர்­நாற்ற சக்தி விஜய். முத­ல­மைச்­சர் விஜய்க்கு ஊழ­லைப் பற்றி பேசுவதற்கு யோக்­கி­யதை இருக்­கி­றதா?

இவ்வாறு அதில் பதிவிடப்பட்டுள்ளது.