சன் டிவியில் ஒளிபரப்பாகி வரும் சில சீரியல்கள் முடிவுக்கு வரவுள்ள நிலையில், புத்தம் புதிய தொடர்கள் உள்ளே வருகின்றன. இதனால் பழைய சீரியல்களின் நேரம் மாற்றப்படுகிறது.
சிட்டி முதல் பட்டி தொட்டி வரை இருக்கும் மக்களில் பொதுவாக இருக்கும் விஷயங்களில் ஒன்று சீரியல் பார்ப்பது. இவர்களின் ஸ்ட்ரெஸ் பர்ஸ்டராக இருந்து வருகிறது இன்றைய தொடர்கள். காலை, மாலை, இரவு என மக்களை கவரும் வகையில் தொழில்கட்சிகள் போட்டி போட்டுகொண்டு விறுவிறுப்பான கதைக்களத்தை கொண்ட தொடர்களை வெளியிட்டு வருகின்றனர். அதிலும் முக்கியமாக சீரியல்களுக்கு பெயர் போன சேனல் என்றால் அது சன் டிவியும், விஜய் டிவியும் தான்.
அதிலும் முக்கியமாக டிஆர்பி-ல் முன்னிலை வகிக்கும் சேனலாக இருந்து வருகிறது சன் டிவி. சன் டிவியில் ஒளிபரப்பாகி வரும் தொடர்களுக்கு தமிழகம் முழுவதும் எக்கச்சக்க ரசிகர்கள் உள்ளனர். அவர்களுக்கு ஏற்றார் போல எபிசோடுகளில் சுவாரசியம் ஏற்றி வருகிறார்கள் இயக்குனர்கள். இப்படி சன் டிவியில் பல பிரபல தொடர்கள் ஒளிபரப்பாகி வருகிறது. அதிலும், சிங்கப்பெண்ணே, கயல் , எதிர்நீச்சல், வானத்தை போல தொடர்கள் டிஆர்பி-யில் டாப்பில் உள்ளது.
தற்போது சன் டிவியில் ஒளிபரப்பாகி வரும் அன்பே வா போன்ற சில சீரியல்கள் முடிவுக்கு வரவுள்ள நிலையில், புத்தம் புதிய தொடர்கள் உள்ளே வருகின்றன. அப்படி புதிய தொடர்கள் உள்ளே வரும் நிலையில், பழைய சீரியல்கள் ஒளிபரப்பாகும் நேரத்தில் மற்றம் செய்யப்பட்டுள்ளது. அப்படி இரண்டு சீரியல்களின் நேரம் மாற்றப்படுகிறது.
