சித்தார்த் படத்தை இயக்கும் பிரபல இயக்குனர்… ரசிகர்களுக்கு சூப்பர் அப்டேட்

சித்தார்த் 40 என்ற தற்காலிகமாக டைட்டில் வைக்கப்பட்டிருக்கும் இந்த படத்துடைய ப்ரீ புரொடக்சன் பணிகள் முழு வீச்சில் நடந்து வருகிறது.

சித்தார்த் நடிக்கவுள்ள அவரது 40 ஆவது படத்தை, 8 தோட்டாக்கள், குருதி ஆட்டம் படங்களை இயக்கிய ஸ்ரீ கணேஷ் இயக்கவுள்ளார். அந்த படம் குறித்த புதிய தகவல்களை ஸ்ரீகணேஷ் தெரிவித்திருக்கிறார்.

தமிழ் சினிமாவில் பாய்ஸ், ஆயுத எழுத்து, ஜிகர்தண்டா உள்ளிட்ட படங்களில் நடித்து கவனம் பெற்றவர் நடிகர் சித்தார். சமீபத்தில் இவர் நடிப்பில் வெளிவந்த சித்தா என்ற திரைப்படம் நல்ல வரவேற்பை பெற்றது. இதேபோன்று கமல் நடிப்பில் உருவாகியுள்ள இந்தியன் 2 படத்தில் சித்தார்த் முக்கிய கேரக்டரில் நடித்துள்ளார்.

இந்த படம் ஜூலை மாதம் 12 ஆம் தேதி வெளியாகும் என அறிவிக்கப்பட்டுள்ளது. இந்நிலையில், 8 தோட்டாக்கள், குருதி ஆட்டம் படங்களின் மூலம் கவனம் ஈர்த்த இயக்குனர் ஸ்ரீ கணேஷ் இயக்கத்தில் சித்தார்த் ஒரு படத்தில் நடிக்கிறார்.சித்தார்த் படம் குறித்து இயக்குனர் ஸ்ரீ கணேஷ் ரசிகர்களுக்கு சில அப்டேட் களை கொடுத்துள்ளார். க்ரைம் த்ரில்லர் படங்களின் மூலம் கவனம் பெற்ற அவர், சித்தார்த் படம் கொஞ்சம் டிராமாவாகவும், கொஞ்சம் டிராவலாகவும் இருக்கும் என்று கூறியுள்ளார்.மேலும் சித்தார்த் உடன் படம் பண்ணுவதற்கு தான் ஆர்வமாக இருந்ததாக தெரிவித்த ஸ்ரீகணேஷ், சித்தா படத்தின் வெற்றிக்கு சித்தார்த்தை வாழ்த்தி மெசேஜ் அனுப்பியதாகவும், அதன்பின்னர் ஏற்பட்ட உரையாடல்களில் இருவரும் படம் பண்ணுவதற்கு முடிவு செய்ததாகவும் கூறினார்.சித்தார்த்துக்காக எழுதியுள்ள திரைக்கதை அவருக்கு மிகவும் பிடித்துள்ளதாக கூறிய இந்த கதையை எழுதுவதில் தனக்கு அதிக சவால்கள் ஏற்பட்டதாக தெரிவித்துள்ளார்.

சித்தார்த் 40 என்ற தற்காலிகமாக டைட்டில் வைக்கப்பட்டிருக்கும் இந்த படத்துடைய ப்ரீ புரொடக்சன் பணிகள் முழு வீச்சில் நடந்து வருகிறது. தற்போது படத்துடைய மற்ற நடிகர்கள், டெக்னீசியன்கள் தேர்வு செய்யப்பட்டு வருகின்றனர். சித்தார்த் கெரியரில் முக்கிய படமாக இது அமையும் என்று எதிர்பார்க்கப்படுகிறது.