பிக் பாஸ் சீசன் 7 விரைவில் சின்னத்திரையில் ஒளிபரப்பாக உள்ளது. இதில் கலந்து கொள்ளும் போட்டியாளர்கள் தான் சின்னத்திரை ரசிகர்கள் மத்தியில் டாக் ஆஃப் தி டவுன்.
பிக் பாஸ் தமிழ் 7 செப்டம்பர் இறுதியில் அல்லது அக்டோபர் துவக்கத்தில் ஒளிபரப்பாக உள்ளது. சமீபத்திய சலசலப்பு என்னவென்றால், முன்னாள் பிக் பாஸ் போட்டியாளரும் நடிகையுமான ஓவியா மற்றும் நடன இயக்குநர் சாண்டி ஆகியோர் புதிய சீசனில் கலந்து கொள்ள சேனல் தரப்பில் அணுகப்பட்டுள்ளனராம். நிகழ்ச்சியின் முக்கியமான முன்னாள் போட்டியாளர்களில் சாண்டி மாஸ்டரும் ஒருவர்.
தொலைக்காட்சி மற்றும் திரைப்படம் இரண்டிலும் நன்கு அறியப்பட்ட நடிகர் மற்றும் நடன இயக்குனராகவும் உள்ளார். பிக்பாஸ் தமிழ் சீசன் 3-ல் போட்டியாளராக பங்கேற்றார். கிட்டத்தட்ட ஒவ்வொரு ஆண்டும், பிக் பாஸ் தமிழ் ஒரு நடன இயக்குனரை போட்டியாளராக பெறுகிறது. கடந்த ஆண்டு ராபர்ட் மாஸ்டர் பிக் பாஸ் நிகழ்ச்சியில் போட்டியாளராக பங்கேற்றார். இதற்கிடையே இந்த ஆண்டு சாண்டி மாஸ்டர் பிக் பாஸ் வீட்டிற்குள் நுழைவார் என்று எதிர்பார்க்கப்படுகிறது.
அதுமட்டுமல்லாமல், பிரபல நடிகையும் முன்னாள் பிக் பாஸ் முன்னாள் போட்டியாளருமான ஓவியாவும் பிக் பாஸ் தமிழ் ஏழாவது சீசனில் பங்கேற்பார் என்ற பேச்சு எழுந்துள்ளது. முந்தைய OTT-சீசனின் முன்னாள் போட்டியாளர் ஜூலியைத் தவிர, மற்றொரு முன்னாள் போட்டியாளரும் பிக் பாஸ் தமிழ் 7-ல் பங்கேற்கப் போவதாக தகவல்கள் உலா வருகின்றன.மறுபுறம், பிக் பாஸ் தமிழ் சீசன் 7-க்கான ப்ரோமோ வீடியோ வெளியானது. இதில் இரட்டை வேடத்தில் தோன்றிய தொகுப்பாளர் கமல் ஹாசன், இந்த முறை இரண்டு பிக் பாஸ் வீடுகள் இருப்பதாகக் கூறியது பார்வையாளர்களிடையே எதிர்பார்ப்பை ஏற்படுத்தியுள்ளது
