குழந்தை பிறக்கும்போது அறுவை சிகிச்சை அறையில் மனைவியின் தொப்புள் கொடியை வெட்டும் வீடியோவை யூடியூபர் இர்பான் பகிர்ந்திருந்தார்.
யூடியூபர் இர்பானுக்கு குழந்தை பிறந்த வீடியோவை வெளியிட்ட நிலையில், மேலும் ஒரு சிக்கலில் சிக்கியிருக்கிறார்.
யூடியூபர் இர்பானுக்கு கடந்த ஜூலை மாதம் 24ஆம் தேதி தனியார் மருத்துவமனையில் குழந்தை பிறந்தது. குழந்தை பிறக்கும்போது அறுவை சிகிச்சை அறையில் மனைவியின் தொப்புள் கொடியை வெட்டும் வீடியோவை யூடியூபர் இர்பான் பகிர்ந்திருந்தார்.
இந்த நிலையில், இது தமிழ்நாடு மருத்துவச் சட்டத்தின்படி இது தவறு என மருத்துவர்கள் கண்டனம் தெரிவித்துள்ளனர். மேலும் பயிற்சி பெற்ற மருத்துவர்கள் தான் இந்த அறுவை சிகிச்சையை செய்ய வேண்டும் என்றும், தொப்புள் கொடியை இர்பான் வெட்டுவது தனிநபர் உரிமையை மீறும் செயல் என்று மருத்துவர்கள் தெரிவித்துள்ளனர்.ஏற்கனவே குழந்தையின் பாலினத்தை வெளியிட்ட வீடியோ சர்ச்சையான நிலையில், யூடியூபர் இர்பான் மீண்டும் ஒரு சிக்கலில் சிக்கியிருப்பது குறிப்பிடத்தக்கது.
