இன்று தமிழ்நாடு நிதிநிலை அறிக்கை தாக்கல் செய்யப்பட்ட நிலையில், மக்கள் இந்த பட்ஜெட் பிளாஸ்ட்-ஆக இருக்கும் என எதிர்பார்த்ததாகவும், ஆனால் வேஸ்ட்-ஆக இருப்பதாகவும் முன்னாள் முதலமைச்சர் மு.க. ஸ்டாலின் விமர்சித்துள்ளார்.
தமிழ்நாடு நிதிநிலை அறிக்கையை இன்று நிதி அமைச்சர் மரிய வில்சன் தாக்கல் செய்தார். இந்நிலையில், இந்த பட்ஜெட், பிளாஸ்ட் பிளாஸ்ட்டாக இருக்கும் என மக்கள் எதிர்பார்த்ததாகவும், ஆனால் வேஸ்ட் வேஸ்ட் என சொல்லும்படியாகத் தான் உள்ளது என்றும், முன்னாள் முதலமைச்சர் மு.க. ஸ்டாலின் விமர்சித்து பதிவிட்டுள்ளார். அவரது பதிவின் முழு விவரங்களை பார்ப்போம்.
“’Blast Blast’-ஆக இருக்கும் என எதிர்பார்த்த மக்களுக்கு, ‘Waste Waste’ எனச் சொல்லும்படிதான் இருக்கு!“
இது குறித்து தனது எக்ஸ் தளத்தில் பதிவிட்டுள்ள மு.க. ஸ்டாலின், “இன்று சட்டமன்றத்தில் வாசிக்கப்பட்ட தமிழ்நாடு பட்ஜெட் 2026 பற்றி Reels CM-க்கு புரியும் மொழியில் சொல்ல வேண்டுமென்றால்,
‘Blast Blast’-ஆக இருக்கும் என எதிர்பார்த்த மக்களுக்கு, ‘Waste Waste’ எனச் சொல்லும்படிதான் இருக்கு!“ என கிண்டலடித்துள்ளார்.
மேலும், “அதுமட்டுமல்ல, இது திராவிட மாடல் அரசின் திட்டங்களின் Remake Version budget! என்றும் கூறியுள்ளார்.
அதோடு, “மக்கள் மொழியில் சொல்ல வேண்டுமென்றால், விவசாயிகள் பிரச்சினை, மின் கட்டணக் குளறுபடி பிரச்சினை, விலைவாசி உயர்வுப் பிரச்சினை என எதைப் பற்றியும் கவலையின்றி, மாநிலத்திற்குத் தேவையான புதிய தொலைநோக்குத் திட்டங்களையும் அறிவிக்காத பட்ஜெட்! எனவும் விமர்சித்துள்ளார்.
“அதுமட்டுமல்ல,
– ரூ.2,500 மகளிர் உரிமைத் தொகை,
– வேலையில்லா இளைஞர்களுக்கு ரூ. 4 ஆயிரம்,
– ஆண்டுக்கு 6 இலவச சிலிண்டர்,
– முழுப் பயிர்க்கடன் தள்ளுபடி, என முக்கிய வாக்குறுதிகள் எதைப் பற்றியும் மூச்சே விடாத பட்ஜெட்!“ எனவும் தெரிவித்துள்ளார்.
இறுதியாக, “மொத்தத்தில், சொந்தமாகவும் யோசிக்காத –
சொன்னதையும் செய்யாத –
சுரத்தில்லாத – புஸ்வாண பட்ஜெட்டாகத்தான் ‘ரீல் அரசின்’ முதல் பட்ஜெட் அமைந்திருக்கிறது.“ என்று முன்னாள் முதலமைச்சர் மு.க. ஸ்டாலின் கடுமையாக விமர்சித்துள்ளார்.
