Tamil Nadu Election Results 2026: தமிழக சட்டமன்ற தேர்தல் வாக்கு எண்ணிக்கை தொடங்கவுள்ள நிலையில், தவெக தலைவர் விஜய் பெரம்பூர் தொகுதியில் முன்னிலையிலும், திருச்சி கிழக்கு தொகுதியில் பின்னடைவையும் சந்தித்துள்ளார்.
வாக்கு எண்ணிக்கை தீவிரம்
தமிழக சட்டமன்ற தேர்தலுக்கான வாக்கு எண்ணிக்கை தொடங்கியது. கடந்த ஏப்ரல் 23ஆம் தேதி வாக்குப்பதிவு நடைபெற்ற நிலையில், இன்று தமிழகம் முழுவதும் 62 வாக்கு எண்ணும் மையங்களில் காலை 8 மணி முதல் வாக்கு எண்ணிக்கை தொடர்ந்து நடைபெற்று வருகிறது. முதலில் தபால் வாக்குகள் எண்ணப்பட்டது. இதில் தவெக சார்பில் போட்டியிட்ட விஜய் முன்னிலையில் உள்ளாரா என்பதை தற்போது பார்க்கலாம்.
தமிழக அரசியல் களத்தில் திமுக – அதிமுகவிற்கு கடும் போட்டியாக உருவெடுத்துள்ளார் நடிகர் விஜய், தவெக என்ற கட்சியை தொடங்கிய விஜய், யாருடனும் கூட்டணி இல்லாமல் தனித்து தேர்தலை எதிர்கொண்டார். அந்த வகையில் தேர்தல் வாக்குப்பதிவின் போது விஜய்க்கு இளைஞர் மத்தியில் பெரும் வரவேற்பு கிடைத்தது. இதனால் திமுக- அதிமுகவை வீழ்த்தி விஜய் ஆட்சி அமைப்பார் என கருத்து கணிப்பும் வெளியானது. இதனால் குழப்பமான நிலை ஏற்பட்டது. யாராலும் தேர்தல் முடிவை கணிக்க முடியாத நிலை ஏற்பட்டது.
முன்னிலையில் விஜய்
இந்த நிலையில் தவெக தலைவர் விஜய், பெரம்பூர் தொகுதி மற்றும் திருச்சி கிழக்கு தொகுதியில் போட்டியிட்டார். அந்த வகையில் பெரம்பூர் தொகுதியில் தவெக தலைவர் விஜய் தபால் வாக்கில் முன்னிலையில் உள்ளார். இவருக்கு அடுத்த இடத்தில் திமுக வேட்பாளர் ஆர்.டி.சேகரும், 3ஆம் இடத்தில் பாமக வேட்பாளர் திலகபாமாகவும் உள்ளனர்.இதே போல திருச்சி கிழக்கு தொகுதியில் தவெக வேட்பாளர் விஜய் இரண்டாம் இடத்தில் உள்ளார். திமுக வேட்பாளர் இனிக்கோ இருதயராஜ் தபால் வாக்கில் முன்னிலையில் உள்ளார்.
